“Tkurret” inflacioni në muajin Tetor/ Arrin në 3.8%. Ushqimet me ndikimin më të madh, zarzavatet vijojnë të jenë “të kripura”

Ndërkohë që çmimet kanë shënuar një tkurrje, shifrat tregojnë se zarzavatet vijojnë të kenë rritje dyshifrore në muajin Tetor. Norma e rritjes së çmimeve për këtë grup është 23.4%, krahasuar me një vit më parë, ndërkohë që edhe bulmeti paraqitet me rritje deri në 8.4%. Të dhënat nga ‘Instituti i Statistikave’ flasin për rënie të çmimeve për muajin Tetor, krahasuar me të njejtën përiudhë të një viti më parë. Kështu, sipas shifrave zyrtare, norma e inflacionit gjatë Tetorit ka rënë pranë 3.8%.

Rritja vjetore e çmimeve në muajin Tetor është ndikuar kryesisht nga grupi “Ushqime dhe pije joalkoolike” me 2.64 pikë përqindje, pasuar nga grupi “Mobilje, pajisje shtëpie dhe mirëmbajtje e shtëpisë” me 0.39 pikë përqindje. Çmimet e grupit “Qira, ujë, lëndë djegëse dhe energji” ndikuan me 0.32 pikë përqindje. Çmimet e grupit “Hotele, kafene dhe restorante” me 0.21 pikë përqindje. Çmimet e grupit “Argëtim dhe kulturë” me 0.18 pikë përqindje. Çmimet e grupit “Pije alkoolike dhe duhan” me 0.17 pikë përqindje. Çmimet e grupit “Mallra dhe shërbime të ndryshme” patën ndikim me 0.16 pikë përqindje. Çmimet e grupit “Veshje dhe këpucë” me 0.12 pikë përqindje. Çmimet e grupit “Shërbimi arsimor” me 0.09 pikë përqindje. Çmimet e grupit “Shëndeti” me 0.04 pikë përqindje. Çmimet e grupit “Komunikimi” me 0.03 pikë përqindje, ndërkohë çmimet e grupit “Transporti” kanë kontribuar me 0.54 pikë përqindje.

Krahasuar me muajin Tetor 2022, rritja më e madhe e çmimeve vërehet në grupin “Argëtim dhe kulturë” me 7.6%, pasuar nga grupet “Ushqime dhe pije joalkoolike” me 7.4%, “Mobilje, pajisje shtëpie dhe mirëmbajtje e shtëpisë” me 5.2%, “Hotele, kafene dhe restorante” me 4.8%, “Pije alkoolike dhe duhan” me 3.6%, “Veshje dhe këpucë” me 3.2%, “Shërbimi arsimor” dhe “Mallra dhe shërbime të ndryshme” me 2.9% secili, “Qira, ujë, lëndë djegëse dhe energji” me 1.6%, “Shëndeti” dhe “Komunikimi” me 1.1% secili. Nga ana tjetër, çmimet e grupit “Transporti” shënuan ulje me 8.3%.

Krahasuar me muajin Shtator 2023, çmimet u rritën me 0.1% sipas të dhënave të INSTAT. Rritjen më të madhe e patën çmimet e grupit “Mobilje, pajisje shtëpie dhe mirëmbajtje e shtëpisë” me 0.6%, pasuar nga “Veshje dhe këpucë” me 0.5%, “Transporti” dhe “Shërbimi arsimor” u rritën me 0.3% secili, “Pije alkoolike dhe duhan” dhe “Hotele, kafene dhe restorante” me 0.2% secili.

*Material i përgatitur nga SCAN INTEL. Ripublikimi mund të bëhet vetëm kundrejt citimit të autorësisë dhe burimit origjinal.